बाबा

आयुष्याच्या प्रत्येक क्षणाला 

साथ तुमची लाभली

त्यांच्या सुखासाठी

 सारं काही सहन केलंत

त्यांना मिळावं चंद्राचं चांदणं

म्हणून तळपत्या उन्हात ही 

कष्टाच सोनं केलंत

दिवस नाही रात्र नाही

सण नाही नी वार नाही

अविरत कष्ट करत होतात

काडी काडी जोडत होतात

आपल्या चिमण पाखरांसाठी

सार्थक झालं कष्टाचं

साथ लाभली ती ची जिने

मनातल्या भावनांचा पेक्षाही

कर्तव्य श्रेष्ठ मानलं

आता थोडी उसंत घ्या

विसाव्याच्या क्षणालाही 

पांग तुमचे फेडू द्या

झाकोळलेल्या स्वप्नांना 

आशेचा उजाळा द्या

अशा या सांजवेळी तिचा हात हाती घ्या

पाखरांना उडण्यासाठी

कायम त्यांचे मार्गदर्शक व्हा