बाबा

बाबांचं काळीज म्हणजे जणू शहाळं

बाहेरून कठोर अन् आतून निर्मळ

किती ही ओरडले अन् रागावले तरी

असतो त्यांचाही जीव आपल्या लेकरांवरी

कष्ट करुन आयुष्यभर नाही लागू देत दुःखाची झळ

पाहण्यासाठी लेकरांना सुखात असते त्यांची तळमळ

बाबा बनणं सोपं नाही काही

लेकरांची काळजी नीट जगूही देत नाही

कुटुंबासाठी त्यांनी आयुष्य सारं वेचलं

कर्तव्यापायी स्वतःच्या स्वप्नांना त्यांनी ठेचलं

केला नाही कधी त्यांनी स्वतःचा विचार

बाबाच असतात कुटुंबाचा खंबीर आधार