असावं कुणीतरी
असावं कुणीतरी
1 min
23.9K
कुणीतरी असावं आरशासारखं आयुष्यात
दिसावे आपले प्रतिबिंब हुबेहुब त्याच्यात
बघताच त्याने टिपावी गालावरील लाली
अन ओळखावा लटकेच नाकावरील राग
जाणावे अर्थ ओठापर्यंत अडलेल्या शब्दांचे
अन घालावी साद मनात दडलेल्या हाकेला
वाचावे गार्हाने डोळ्यातल्या अश्रुंचे
अन समजावी यातना त्या वरवरच्या हास्याची
नजरेतल्या भावना त्याने अलगद उचलाव्या
अन द्यावा एक खांदा त्यांना व्यक्त व्हायला.