अंगणात माझ्या...

अंगणात माझ्या आली एक चिमणी

तिच्यासोबत झाल्या खूप गप्पा गाणी

अंगणात माझ्या आला एक कावळा

बोलतांना मला वाटला जरा बावळा

अंगणात माझ्या आला एक कोंबडा

लुकलुक हलत होता तुरा त्याचा तांबडा

अंगणात माझ्या आला एक पोपट

माणसासारखा बोले किती पटापट

अंगणात माझ्या आली एक मैना

तिला बोलताना हिची झाली दैना

अंगणात माझ्या आला एक कबुतर

पक्ष्यांवर प्रेम करा जीव आहे जोवर

अंगणात माझ्या आली एक सुंदर परी

मला घेऊन गेली ती आकाशातल्या घरी