अलौकिक

अक्कलकोटचा राणा अजन्मा अजानुबाहू जाणा

आयुष्याचा ताणा बाणा सुटणे तिढा सहज माना

अंगीकारा वटवृक्षाचा निर्विकल्प तो भक्ती बाणा

नको मोह अहंकार भक्तांतरी जपा आचरणा

वाचा मने निर्विष जवळ नित्य स्वामीस पहा ना

रूपे धारिती परीक्षा पहावया भक्त सिद्ध होण्या

गर्वहरण श्रीमंतीचे कधी भक्तीचे स्वामी वाणा

नका भिऊ अभय हस्त स्वामींचा सदैव रक्षणा

पूजा अर्चनेचा नसे कसलाही काटेकोरपणा

साधी भोळी भक्ती अंतरी तिथेच स्वामी असे ठाणा

देई प्रचिती निस्सीम भक्ताच्या अरिष्ट निवारणा

नको ढोंग पाखंडीचे हवी स्वामी शरण धारणा