अज्ञानी विज्ञान...

पाप पुण्याचा असेल खेळ 

असेल ढिगाऱ्याने जात पात 

पिढीजात मानणारा धर्म 

पण नको माणुसकीचा घात 

अज्ञानाचा आपलाच शत्रू 

विचारांत फोफावला आहे 

पवित्र स्त्रीजन्माचा विटाळ 

मासिक पाळीत का आहे 

बनविणाऱ्यास नाही हरकत 

मग स्त्री पुरुष भेद का आहे 

गाथा अविचारी नियमांच्या 

बदनामीचा धब्बा का आहे 

जिवाभावाची प्रेमळ नाती 

विश्वासात अनमोल आहे 

प्रत्येक हृदयी श्रद्धेचा पवित्रा 

मग दगडातच देव का आहे 

विज्ञान शोधांची गगन भरारी 

तरीही जन्मास मृत्यूचे भय आहे

कुकर्मी शिक्षा अमानवी म्हणुनी 

अत्याचाराचे अज्ञान का आहे 

विज्ञान दिनी आज शपथ घेऊ 

प्रकाशी शास्त्रशुद्ध विज्ञानाची 

जागृतीची कास ध्यानी मनी बाळगू 

अंधश्रद्धा मनातुनी मिटविण्याची