आसक्ती माझी मलाच

आसक्ती माझी मलाच 

तू माझाच रे आहे दिलबरा

येता जवळ देशील ना

तू हातात माझ्या हात खरा..

    

 गीत तुझेच ओठांवर येता

मनी उमटले अनंत सूर

नजरेत नजर मिळताच

गंधाळली ही आपली प्रीत...

सोबत नव्हते कुणी माझ्या

सख्या त्या रम्य सांजवेळी

अलगद हळू तू आलास 

बसला माझ्या जवळी...

नयनांतील चांदण्यांनी 

उजळली ही चांदरात

हार कुणाची शामिल

सांग कुणाची होई जीत...

पहाटेची गुलाबी थंडी हवा 

दाट पडले गाढ धुके

नाते आपले अतुट

प्रितीत जाहले संवाद मुके...

कानावर पडे माझ्या सख्या 

सुरेल ती दूर शहनाई

जणू धुंदी तुझ्या नशेची 

फुलली जीवनी नवलाई...