आरसा

गड आमचे वैभव शोभते

आणि किल्ले आरसा

पिढ्यानपिढ्या संस्कृतीचा

जपतो आम्ही वारसा

गड आणि किल्ल्यामध्ये

अभेद्य अशी सुरक्षा

असो कितीही बलाढ्य

शत्रूपासून होत होती रक्षा

शिवनेरीच्या तख्तावर

कीर्ती ज्यांची गाजे

जन्मले इथेच प्रजापालक

"छत्रपती शिवाजी राजे"

खिंडीत "बाजीप्रभूंनी"

शत्रुची काढली धिंड

इतिहासात अजरामर झाली

पवित्र "पावनखिंड"

महाराष्ट्राची भूमी झाली

गड, किल्ल्यांमुळे पावन

वस्तू, शिल्पाचे , पर्यटनस्थळ ते

घडविते संस्कृतीचे दर्शन