आनंदली धरणीमाय

झाले ओलेचिंब गड्या

फुटे अंतरी पाझर

जीवा ओणवा तों गेला

डोळ्या लागे माझ्या धार!!१!!

 शेतकरी बीज पेरे

अशी बरसात कर

माया मनातून सदा 

फुटो आनंद अंकुर!!२!!

मायी तहान भागता

अंतराच्या पाझराने

गंगा यमुना वाहती

मज पाहे आनंदाने!!३!!

झाली न्हाती धुती आता

शालू हिर्वा पांघरला

जना मनात बैसली 

श्वास आनंदे सोडला!!४!!

कोकिळेची पहा सारी

कुहूं कुहूं ते संपली

ढग कडाडता नभी 

ईज थुई थुई नाचली!!५!!

वेली आनंदाने साऱ्या

गेल्या असे गगनात

गंध फुलला आनंदे

संतदासाच्या मनात!!६!!