आम्ही भारतीय

आम्ही भारतीय आम्ही भारतीय

नांदू एकजूटीने मायभूमीत 

नको जातीयवाद आपापल्यात

नको व्यर्थ राजकारण समाजात

अभिमान बाळगु भारतीय होण्याचा

करु सन्मान आपल्या मायभुमीचा

माणूसकीचा संदेश ठसवू मनामनात

आदर्श अवघ्या जगात भारताचा

एकीच्या बळावर आपण बांधव 

करु संरक्षण आपल्या देशाचे  

नाश करु आतंकवादी शत्रुंचा  

शक्तीशाली पुत्र आपण भारताचे

वसा धरुनी देशभक्त पूर्वजांचा

एक प्रयत्न करुया स्वदेशासाठी

साक्षर भारत प्रगतीशील भारत 

झटूया आपण देशाच्या उन्नतीसाठी 

शेतकरी आत्महत्या स्त्री बलात्कार 

नष्ट करू या देशांतील अत्याचार

खंबीरतेने देवूनी लढा भ्रष्टाचारला

देशातील कलंकीतांचा करु संहार 

माझा देश भारत मी पुत्र भारताचा  

हिच भावना ठसवा आपल्या हृदयात 

करु कर्तव्य आपआपल्या परीने

राहू जागृत सदैव देशाच्या सेवेत

आम्ही भारतीय नागरिक स्वाभिमानी 

रहातो गुण्यागोविंदाने मायभुमीत 

एकमेकांना करुनी सहाय्य 

देवू मानवतेचा संदेश सा-या विश्वात