आम्ही आमचे राजे

ना गुलाम त्यांचे म्हणतील ते करणारे

आम्ही आमच्या मर्जीने मनस्वी वागणारे

विचार स्वातंत्र्य प्राणपणाने जपणारे

राजे आमच्या मनाचे स्वातंत्र्य मागणारे

-१-

पाहिले ते आपलीच तुंबडी भरणारे

वैर ही पराकोटीचे चारित्र्य डागणारे

मेघ प्रतिभेचे सुखस्वप्नांना शिंपणारे

बोल कठोर अपेश जिव्हारी लागणारे

-२-

कळसूत्री पराधीन असती जाणणारे

हितास बाधक ठरता युती तोडणारे

गद्दारीला नसे क्षमा सजा घडविणारे

अंकित ना कुणाचे मंडलिक ना होणारे

-३-