आले आभाळ भरून

आले आभाळ भरून

डोळे पाणावले पाहून

भेगाळलेली भुई भरेल

सरीचा तो लेप लावून

सुकलेल्या या डोळ्यात

ते पाणी कुठून आले

पाहता रूप तुझे मेघा

मन आनंदाने न्हाले

आशेचा कवडसा दिसे

मेघा तुझ्या गर्जनाने

सोडलेल्या देहात प्राण

आला तुझ्या आगमनाने

किती दिवस वाट पाही

आली ना कधी तुझी स्वारी

लेकरांची कुस रिकामी

असा होतो बाप मी लाचारी

नव्हती तुझी सोबत तेव्हा

झालो मी कर्ज बाजारी

फुटेल तोही डोंगर आता

तू जो आलास माझे दारी

आलास जरा तर थोडं

चार दिवस राहून जा

वावरात नाचून बागडून

मुखी थोडं हसू देऊन जा