आला उन्हाळा

ऋतूमध्ये बदल झाला की

हवामानात देखील बदल होते

हिवाळ्याचा गारवा संपला की

हवेतील उष्णता जाणवू लागते..

उन्हाचा चढत चाललाय पारा

उन्हाळ्याची लागली चाहूल

बाहेरच्या उष्णतेला पाहून

घराबाहेर पडत नाही पाऊल

आला उन्हाळा आरोग्य सांभाळा

बाहेर जातांना रुमाल बांधा डोक्याला

भरपूर पाणी प्या आराम करा

उन्हात न फिरता उष्माघात टाळा

सकाळ सायंकाळ कामे करा

दुपारच्या वेळी थोडं आराम करा

शरीराला येऊ देऊ नये थकवा

आरोग्याची काळजी घ्या जरा