आई

देह झिजवे सर्वांपाय

ऐसी मूर्ती होणे नाय,

ठेच लागताच ओठी येई

नाव तिचे आहे माय...||१||

ती नसता घर निराधार

तेही शोधे तिचाच आधार

ऐसी मूर्ती दूसरी होणे नाय

म्हणतो जिला आपण माय...||२||

जन्म देऊनी बाळा

भोगे ती सगळ्या झळा,

जन्मदाती ती होती आय

म्हणतो जिला आपण माय...||३||

दुःख झाले कितीही तरी

पाडू नये तिच्यात दरी

पुन्हा मिळे ना ऐसी माय

स्वर्ग भासे धरता तिचे पाय...||४||

वंदन माझे या मूर्तीला

माय नाव वसे कीर्तीला

अमर ऐसी तिची कीर्ती राय

म्हणतो जिला आपण आपली माय...

म्हणतो जिला आपण माय...||५||