आई

एक कविता करावी आईवर

एक कविता करावी आईवर

शब्द शब्द पिरुनी माळ साजेशी

अपर्ण करतो आईच्या चरणाशी

मला मिळावी थाप कौतुकाची

वाचकाच्या सुंदर प्रेमाची !

एक कविता करावी आईवर

एक कविता करावी आईवर

यमक यावे जुळून मधुर

चरण व्हावे सुमधुर

फुलांनी सजवावे शब्दाला

श्याम रंग मिळावा ओळीला !

एक कविता करावी आईवर

एक कविता करावी आईवर

द्यावा आनंद आईला ओजळीभर

त्यागाचा, कष्टाचा, उल्लेख पानभर

शीर्षक असावे आईचे

चित्र सुद्धा आईचे !

एक कविता करावी आईवर

एक कविता करावी आईवर

आई , मी तुझा बालकृष्ण

भूमिका माझी तुला समर्पण

ओळखतील या कवीला

रचलेल्या तुझावरच्या कवितेला !