आदिमाया आदिशक्ती
आदिमाया आदिशक्ती
तूच रेणुका माहूरची
महालक्ष्मी कोल्हापूरची
तूच सप्तशृंगी वणीची
अन् भवानी तुळजापूरची
नाही तुजला जन्म मरण
जगन्मूर्ति तू ज्ञानरूपिणी
व्यापिलें तू विश्वसर्व
तूच अनंतब्रम्हांडाची स्वामिनी
भक्तांसी रक्षीण्या आलीस
घेऊनी अनंत अवतार
करुनी तू अधर्मनाश
केला दृष्टांचा संहार
तू ब्रम्हदिकांची जननी
विद्यांची स्वामिनी
तूच आदिमाया प्रणवरुपिणी
अनंतशक्तींची स्वामिनी
करण्या असूरांचा नाश
अवतरलीस तू भूवरी
महिषासुराचा करूनी वध
बनलीस महिषासुरमर्दिनी
काली तू सरस्वती
महामाया तूच अंबिका
या भवसमुद्राची नौका
जगदंबा तू चंडीका
जगताची साऱ्या आई
आदिमाया ग तू आदिशक्ती
दुःख हारीणी तू जग तारिणी
सारे करिती ग तुझी भक्ती
नमस्कार करितो तुजला
कृपादृष्टी तू ठेव आम्हांवरी
आशिर्वाद असो पाठीशी तुझा
हे अष्टभुजा दुर्गा परमेश्वरी