२६ जानेवारी प्रजासत्ताक दिन
२६ जानेवारी प्रजासत्ताक दिन
२६ जानेवारी सर्वात मोठा सण
मातृभूमीस करू आज शतशत वंदन
मनापासुन देऊनी सन्मान हा
तनामनाने करूया अभिनंदन...
मुठीत आहे देशाचे भविष्य
अशोकचक्रात एकतेचे गान
करू भारतभूमीचे संगोपन
सारे मिळूनी वाढवूया मान....
होते पारतंत्र्याचे डोई ओझे
आणले विरांनी महा परीवर्तन
करूया सुजलाम् सुफलाम्
ठेवू आदर्श संस्कृतीचा मान...
देशार्थ देह झिजले परी वीर
शौर्याच्या तेजाने नभी झळकले
देशसेवेत प्राणाची आहुती देऊन
कर्तव्य सुगंधाने फुलुनी आले...
सर्व जाती धर्म नांदती सौख्याने
एकमेव आहे तो भारत देश महान
ऐक्याचे द्योतक तिरंगा आमुचा
मातृभूमीचा आत्म स्वाभिमान...