സന്ധ്യ
സന്ധ്യ
1 min
275
ത്രിശൂലം വരഞ്ഞമാനത്ത്
സിന്ദൂരം വാരിയണിഞ്ഞതുപോലെ
നിർവികാരമായതുപോൽ
പരന്നിരിക്കുന്നൂ സായംസന്ധ്യ... !
മഴവില്ലിൻ ചാരുതയോടെ,
സ്വപ്നത്തിൻ മാസ്മരികതയോടെ,
വർണ്ണശിഞ്ജിതമായ്,
കുളിച്ചീറനായ് വരുമൊരുസുന്ദരിപോലെ
ശബളിമയോടെ നിറഞ്ഞിരിക്കുന്നൂ സായംസന്ധ്യ... !
നീലനിലാവുനിറയാൻ കാത്തിരിക്കും ആകാശവിതാനത്തിൽ
താമരപ്പൂവിന്നിതളുകൾ അലക്ഷ്യമായി വാരിവിതറിയതുപോൽ വർണ്ണാഭമായൊരുങ്ങുന്നൂ രാത്രിയുടെ സാലഭഞ്ജികയായ്,
മനോഹരിയാകും സായംസന്ധ്യ... !