ಈ ಬಂಧನಕೆಲ್ಲಿ ಕೊನೆ

ಮಾತೆಯ ಮಮತೆಯ ಬಂಧನ 

ತಂದೆಯ ಜವಾಬ್ದಾರಿಯ ಬಂಧನ 

ಹೆಂಡತಿಯ ಅನುರಾಗ ಬಂಧನ 

ಮಕ್ಕಳ ಪ್ರೀತಿ ವಾತ್ಸಲ್ಯ ಬಂಧನ 

ಸಮಾಜದಲ್ಲಿ ಸಾಮಾಜಿಕ ಬಂಧನ 

ವೃತ್ತಿಯಲ್ಲಿ ವಿಶ್ವಾಸದ ಕರ್ತವ್ಯ ಬಂಧನ 

ಸ್ನೇಹಿತರ ಮರೆಯದ ಆತ್ಮ ಬಂಧನ 

ವ್ಯವಹಾರದಲ್ಲಿ ಹೊಂದಾಣಿಕೆ ಬಂಧನ 

ವಾಸ್ತವದಲ್ಲಿ ಕಾಣದ ರೋಗಾಣುವಿನ ಬಂಧನ 

ಮನೆಯೊಳಗೆ ಯೋಗ ಜಪ ತಪಗಳ ಬಂಧನ 

ಹೊರಗೆ ಹೋದರೆ ಎಲ್ಲಾ ಮಾರ್ಗಗಳ ದಿಗ್ಬಂಧನ

ಅನೇಕ ಬಂಧಗಳು ಮಾಡಿವೆ ಎಲ್ಲರ ಗೃಹಬಂಧನ 

 

ಪಂಚಮಾಸಗಳಿಂದಲೂ ಕೇಳುತಿದೆ ಆಕ್ರಂದನ 

ರೋಗ ಸೋಂಕಿತರಿಂದಾಗಿದೆ ನೋವಿನ ಸದನ 

ಕೇಳಲಾಗದು ಮೃತರ ಬಂಧುಗಳ ರೋದನ 

ಯಾರು ನಿರ್ಧರಿಸುವರೀ ಬಂಧನದ ಕೊನೆ ದಿನ?