ಹಕ್ಕಿಯ ಅಳಲು

ಹಾಡು ಕೇಳಲು ಯಾರಿಲ್ಲ ಇಲ್ಲಿ ಸಂಗಡಿಗರು

ಬರೀ ಸ್ಮಶಾನ ಮೌನವೇ ಕಾಣುವುದು ಸುತ್ತೂರು

ಮಾನವ ಮಾಡಿದ ಪಾಪ ಕಾರ್ಯಕ್ಕೆ ಪ್ರಕೃತಿ ಕೊಟ್ಟಿತ್ತು ಸರಿ ಉತ್ತರ

ಆದರೂ ನಾನೇನು ತಪ್ಪು ಮಾಡಿದೆ ಹೇಳು ಮುರಹರ

ಬಾಯಾರಿ ದಿನಗಳೇ ಕಳೆದಿದೆ

ಹೊಟ್ಟೆಗೆ ಕಾಳಿಲ್ಲದೆ ಹಸಿವು ಹಿಂಡುತ್ತಿದೆ

ವರುಣದೇವ ಬೇಡ ಮುನಿಸು

ಶಿವಶಿವಾ ಬೇಗನೆ ಮಳೆಯ ಧರೆಗೆ ಕರುಣಿಸು

ಬಿಸಿಲ ಬೆಕ್ಕಿಗೆ ಕಾದಿದೆ ಸಕಲ ಜೀವಚರಗಳು

ಆರಿದೆ ಬತ್ತಿದೆ ಸದಾ ಹರಿಯುವ ಜೀವನದಿಗಳು

ಬರಿದಾಗಿದೆ ನನ್ನಂಥವರ ಬಾಳು ಹಾಳು

ಕ್ಷಣ ಪ್ರತಿಕ್ಷಣವೂ ಹೆಚ್ಚುತ್ತಿದೆ ಆಕ್ರಂದನ ಗೋಳು

ಬರಸಿಡಿಲು ಮಾರಿ ನಿನಗೇಕೆ ಕರುಣೆ ಇಲ್ಲವೇ

ನನ್ನ ಆಕ್ರಂದನ ದ್ವನಿಯು ನಿನಗೆ ಕೇಳುವುದಿಲ್ಲವೇ

ಅನುಗ್ರಹಿಸು ಆಶೀರ್ವದಿಸು ಮೇದಿನಿಯ

ಹರೆಸು ಸುಖವ ಒರೆಸು ಕಂಬನಿಯ