પારકી થાપણ

કુશળ વ્યાપારી કિશોરીલાલ  મિત્રને સફળ વ્યાપારના પાસાઓથી અવગત કરાવી રહ્યો હતો. "વ્યક્તિ ભરોસા પાત્ર છે કે નહિ એ તો એ પારકી થાપણને કઈ રીતે સાચવે એના આધારે જ તારવી શકાય!" એ જ સમયે કિશોરીલાલની પત્ની બંને મિત્રો માટે ચા લઈ આવી. સામે બેઠેલા મિત્રની હાજરીને અવગણતો કિશોરીલાલ અપમાનજનક શબ્દો માં બરાડ્યો. "આટલો સમય? ઊંઘી ગઈ હતી કે શું?" એ જોતાં જ મિત્ર મનોમન તારવી ગયો કે કિશોરીલાલ ભરોસા ને પાત્ર જ નહિ!