યાદોના કેસૂડાં
યાદોના કેસૂડાં
1 min
226
મારા મનના મરુસ્થલમાં ફૂલ્યા ફાગણ
ને તારી યાદોના આ કેસુડા કરે કામણ
છે બંધ આંખે પજવે આ રંગીન અંધારા
એક જ્વાળા ડંખે યાદોની બની નાગણ
તમે ઉજવી રંગ બદલીને હરવખત હોળી
ત્યારથી રેલાયા આ ગાલે નયનનાં કાજળ
વેણુ શ્યામની વેરણ થઈ ને ગીતડાં ગાય
શ્વાસે શ્વાસે સંભળાય સાજણ સાજણ
થઈ રેણુ રળિયામણી આ વસંતની વાંહે
કરે કાળો કેર કાનાના કામણગારા કામણ
વિરહની વાદીમાં ગુંજ્યા યાદોના"પરમ"ટહુકા
"પાગલ"બની ઓગળ્યા આ આંખોના આંજણ