વસંતને કેમ છે??

કરવું છે શાંતિ સાથે યુદ્ધ ?

ભલે ભાઈ, તો જાઓ,

ધખતી આસફાલ્ટ પર હાંફ્તા શહેરમાં !

મરજી તમારી.

અટવાયેલ તડકો બિચારો નીકળ્યો છે,

વૃક્ષની ડાળીઓ શોધવા

ને પક્ષીઓની આંખમાં ચળકવા !

પણ વૃક્ષો લાઈનમાં ઊભાં રહીને અલગ

માણસના છળથી છેતરાઈ ગયાં છે !

છે સુલેહ વૃંદમાંય ઊભું રહેવાનોય ?

લીલેરા ગાલીચા

ને કુદરતની અનુપમ દોસ્તી છોડીને,

હા છોડીને ચિત્તને ગમતા ટૌકા,

શહેરને ઘાલે છે ઘેરો.

હશે શૂન્યનુંય અસ્તિત્વ,

હશે મળતરનુંય તત્વ,

પણ શાંતિનું સત્ત્વ કેટલું ?

તંદુરસ્ત ગામ જેટલું ખરું ?

જાઓ તમે,

નથી આવવું ધુમાડો પીવા,

રડતાં મશીનોને આશ્વાસન દેવા,

કે પંખી બે - ચાર ને મજા વનની કે 'વા;

પણ પૂછી જોજો જરા,

વસંતને કેમ છે ?