વિષય
વિષય
1 min
256
તરંગી કામનાઓના પીંડ બનવાનો વિષય છે,
ભ્રમણાના ચાકડા પર જાળા થવાનો વિષય છે.
સર્વથા, ઓળખ નથી એ પીડાની અંકાયેલી અને,
આંગળીના સ્પર્શના સરનામા લખવાનો વિષય છે.
ક્ષણભંગુરતાને મૌનની સભામાં ચર્ચાનો વિકલ્પ રચી,
સંશયના પ્રશ્નોના ઉઝરડા કેવા,એ જોવાનો વિષય છે.
ઈચ્છાના ઘૂઘવાટે ઉભરાતી લહેરોમાં ખુદને ડૂબાડીને,
આશા-શૂળે પોકળ જિંદગી જીવવી,પોતાનો વિષય છે.
હયાતી, ઘડી- બેઘડીની ઝળહળે બધાની અને તૂટે છે.
અર્થના પહેરણે ઘૂંટેલ ખાલીપણું,એ બધાનો વિષય છે !