ઉત્તરાયણ

થાક્યો સુરજ દક્ષિણ જઈને ઠંડીથી આજ 

વળ્યો પથ ખસવા ઉત્તરે તાપવાને કાજ 

લાંબી રાતોની રજાઈ હવે ધીરે સંકોડાશે 

લપેટ લપેટ ને કાપ્યો કહી પતંગ પડાશે 

તલની ચીક્કી લાડુ ઊંધિયું શેરડી ખવાશે 

ચડી ધાબે મહેફિલમાં મીઠાં ગીતડાં ગવાશે 

ગંગા જમુના સરસ્વતી જલમાં ડૂબકી મારી 

નીરવું ગોંદરે ગાયને દાન દક્ષિણાની વારી 

ઉત્તરાયણ, મકરસંક્રાંતિ કરી ગરબડ નામે 

ઠેરઠેર મેળા પોષ માસે ઉત્સવે શું રંગ જામે 

થાક્યો સુરજ દક્ષિણ જઈને ઠંડીથી આજ 

આકાશે દિને પતંગ ને રાતે તુક્કલનું રાજ