તારી મારી યારી

જીવનનાં હરેક પળોનો તું    

ઉત્સાહ છે,

ગમગીનતા ને હટાવતો કિરતાર     

 છે.....!

 નથી રહેતો મને મારા પર 

 ભરોસો જ્યારે,

 એ ભરોસાને ટકાવતો તું

 રાહદાર છે.....!

 બસ એજ તો તારી મારી યારી છે.

 ક્યારેક અબોલા તો ક્યારેક

 અનહદ પ્રેમ વરસાવતો,

 તડકા છાયાનાં સમરાંગણમાં એક તું

આધાર છે....! 

 બસ એજ તો તારી મારી યારી છે.

 સુદામા - કૃષ્ણની જોડી

અપ્રતિમ,

 એવી સંસ્કૃતિની તું

 ગરિમાળ છે....!

 નિભાવું મિત્રતા અનેક 

વિટંબણાઓમાં પણ,

 બસ ઈશને એ ફરમાઈશ છે.....!

 બસ એજ તો તારી મારી યારી છે.

 આથી વિશેષ શું કહું ?

 યાર તું માને કે ન માને,

 સુખ-દુ:ખનો તું સહારો છે....!

 મારી જિંદગીને ખીલાવી રાખતો,

 તું ‌મારા જીવનનો ખીલતો ક્યારો છે...!

બસ એજ તો તારી મારી યારી છે.