તાંડવ શમી જશે

તાંડવ શમી જશે….

 

જો ધ્રુજ્યો  હિમાલય લીલોછમ

ને વાટે વેરાય એવરેસ્ટ શિખર

શબ્દ ધરાશાયી ને ખંડહર

દે ખબર…

ભર્યા છે ઉકળાટ જ અંદર..

ઝેલ તું.

 

કેમ કહેવું કે..આ કાળની થપાટ છે!

અશ્રુની રેલી વદે..રડે

જેના પર આવી પડે…

તેને જ ખબર પડે..

કે શું વીતે!

 

વિજ્ઞાન ખોલે ભેદ ઊંડો…

ખસે છે તારી ભૂગર્ભ પ્લેટો..ને તું છે જ નિરાધાર….

ક્યાં જવાનો?…

આ ધરતીકંપ છે! …ઉર્જાના આ ઉભરાટ છે!

ઝેલ તું!

 

ઝીલ સંવેદનાને ઊભો થા..બચ્યો છે તો!

અડચણો સામે સરિતા જેમ વહેતો જ જે..

સાથ મળશે તને સાગર થવા…

કાળને ક્યાં થોભવું છે…જાળવી લે જો આ ક્ષણ

આ ખંડહરોય ટહુકશે..

ને આ તાંડવ શમી જશે.

રમેશ પટેલ(આકાશદીપ)