સમય
સમય
1 min
189
ધીમી ધારના વરસાદની જેમ ચાલતો
રાહ જોવો તો ઉભો જ રહી જતો
જાણે શુ જોઈ ગયો ગોળ કુંડાળામાં
ન જોવો તો ક્યાંય ભાગતો રહેતો
એ વારે વારે એના વહેણ બદલાવતો
ટક ટકના ટકોરે પોતાનું કામ કરતો
કોણ જાણે શુ ઉતાવળ છે એને
ઘડીમાં બાળપણને ઘરડા કરતો
ચોવીસ કલાક માણસને બાંધી રાખતો
કંટાળામાં એ થોડો ધીમો થઈ જતો
સુખ અને દુઃખનો ભેદ જાણે છે એ
ઘડીભર હસાવી રાત આખી રડાવી જતો
સાચા ખોટાનો એ હિસાબ કરતો
સાચા સમયે હિસાબ ચૂકતે પણ કરતો
સમય વખત અને ટાઇમ કહેવાય છે એ
વહી જતો ક્યારેય પાછો ન આવતો