સ્મિત ફેલાવે

ચહેરાને કહો હવે તો સ્મિત ફેલાવે,

ઉદાસ બની આમ રહેશો ક્યાં સુધી !

તમારું સ્મિત બનશે ખુશીનું કારણ,

ખુશી છુપાવી ચૂપ રહેશો ક્યાં સુધી !

ચહેરાનું સ્મિત વધારે અમ તાજગી,

કઠિન મંજર આમ સહેશો ક્યાં સુધી !

હોઠોને કહો રેલાવે સ્મિતના બે ગીત,

મૌનમાં આલાપ બની વહેશો ક્યાં સુધી !

તમારું સ્મિત છે સ્વર્ગથી પણ સુંદર,

આંખોથી દિલની વાત કહેશો ક્યાં સુધી !

સ્મિતથી પ્રીત છે ચાહતની રીત છે,

ચાહતની પરીક્ષા હવે લેશો ક્યાં સુધી !