શૂન્ય - સર્જન

શૂન્ય થકીજ સર્જન બધુ

પણ શુન્ય થવું બહુ અઘરું છે ;

શૂન્ય શરૂઆત ને શૂન્ય જ અંત

આ વર્તુળમાં ફરવુ થોડું સહેલું છે ? 

આગળ હોય તો કોઈ ન ગણકારે,

ને પાછળ જો પધરાવો ;

તોય; કિંમત બીજાની વધારે ! 

એજ તો ખાસિયત એની છે ! 

આછેરો નવ ગણવો એને, 

પડઘમ શૂન્ય ના બહુ ઉંચા છે !

શૂન્ય શરૂઆત ને શૂન્ય જ અંત,

આ વર્તુળમાં ફરવુ થોડું સહેલું છે ?

લાગણીશૂન્ય થઈ જાય જો,

તો જીવતો ય મુઆ મા ખપાય તુ,

દિશાશૂન્ય થઇ જાઓ જો,

જીવતર ગયુજ સમજો એળે હો !

અદકેરો ભલે ને પ્રકાશ હો તમ,

અવકાશ નહીં જો આપો ખુદને,

શૂન્યાવકાશ સર્જાશે હો !

ઉજાસ ભલેને આંખો અંજાય જાય એવો,

પણ; સાદની આપ-લે નહીં થાય હો ! 

શૂન્ય શરૂઆત ને શૂન્યજ અંત 

શૂન્ય જ સર્જન; શૂન્ય અનંત !

શૂન્ય શરૂઆત ને શૂન્યજ અંત

આ વર્તુળમાં ફરવુ થોડું સહેલું છે ?