શું કરશો?

આમ ઉદાસ બેસીને શું કરશો?
છાનાં આંસુડા સારીને શું કરશો?

હતું જે કાંઈ થવાનું, ગયું થઈ,
આવો ગુસ્સો કરીને શું કરશો?

ગયા છો વધી ઘણા આગળ તમે,
હવે તો પાછા ફરીને શું કરશો?

થયો છે લાલચોળ, એક ગાલ તો,
પછી બીજો ધરીને શું કરશો?

હોય મરવાનું તો એક જ વાર,
આમ રોજ રોજ મરીને શું કરશો?

તરવાની મજા તો હોય સમુદ્રમાં જ,
નાનાં ખાબોચિયામાં તરીને શું કરશો?

ચેન તો ગયા છો અમારાં હરી તમે,
'જશ' હવે ચીર હરીને શું કરશો?