શ્રાવણ આવ્યો

શ્રાવણ કેરો માસ આવ્યો,

તહેવારોની વણઝાર લાવ્યો.

સાજ શણગાર કેરા વ્રત સંગ આવ્યો,

શિવભક્તિ તણી ઉપાસના લાવ્યો.

ચતુર્માસ ને શ્રાવણી સોમવાર આવ્યો,

સુખ સમૃદ્ધિની કૃપાદ્રષ્ટિ લાવ્યો.

કૃષ્ણ જન્મનો અનેરો ઉત્સવ આવ્યો,

ભાતભાતના ભોજનનો રસથાળ લાવ્યો.

વ્રત, ઉપવાસ ને આરાધનાનો સંગમ આવ્યો,

કૃષ્ણમય ને રુદ્રમય થવાનો સમય લાવ્યો.

શ્રાવણી સરવડા સંગ આવ્યો,

લીલી હરિયાળીની ક્રાંતિ લાવ્યો.