સાબરમતી

તટ વિશાળ ને પટ પહોળો 

રેત દરિયો ઉનાળે બહોળો 

ઝરણાં ઝવી અરવલ્લી ડુંગરે 

ખંભાતે અખાતે જોવા કરગરે 

દીસે કોતરો ઊંડી ચારે કોર 

નાચે નટખટ મોર ભયે ભોર 

લાલ ચટક રેતી ઝીણી દળી 

વૈશાખે ધમણ વગરની બળી 

ભર ચોમાસે થાય ગાંડી તૂર 

છલકી બે કાંઠે પૂર હણે નૂર 

સાબર શિયાળ કંદરા કોતરે 

કરે કૂદાકૂદ બંદર વણનોતરે 

સસલા જ્યાં કૂતરાંને ડરાવે 

પાયે પાયની કરકસર કરાવે 

સાબરમતી કાંઠે સંત બિરાજે

કરે રાજ દિલમાં વગર રાજે 

તટ વિશાળ ને પટ પહોળો 

ત્યાં વણજ વેપારનો ડહોળો 

તટ વિશાળ ને પટ પહોળો 

રેત દરિયો ઉનાળે બહોળો