રાજમહેલ

જોયો જોયો અજબનો રાજમહેલ, 

બધી દુન્યવી વસ્તુઓથી અનોખો,

એવો અજબનો રાજમહેલ. 

જોઈ જાગી એમાં પ્રીત,

જાણે જોયા કરીએ નીત,

નહીં તડકો કે શીત,

એવી બાંધકામની રીત. 

મારા ઈશે એ બાંધ્યો,

સૂરતા શામળિયા શું સાંધી, 

આઘી રાખીને ઉપાધિ,

હવે આવે નહીં કોઈ આંધી. 

બેઠા ઘટમાં આત્મા અનોખી, 

સદા અંદરને ભાવના બહાર અનોખી. 

આખી દુનિયામાં દેખાય,

તોયે કોઈને ના સમજાય, 

ઈશે બાંધેલ આ રાજમહેલની,

રચના કોઈને ના સમજાય.