પરમ પ્રીતની પીર
પરમ પ્રીતની પીર
1 min
233
શ્યામ !
તારા હૃદયના સરનામે મારી નજર ફરે છે,
દિલની ધડકનના કારનામે પાછી ખંજર બને છે !
છૂપાવી મારી આંખના પલકારામાં તને શ્યામ,
ભીતર ભીની ભીની લાગણીનાં સમંદર બને છે !
એક ધક્કો તારા સ્મરણનો મળે જો મને પ્રેમથી,
આંખોથી વહેતા સ્નેહ ઝરણનાં મંજર બને છે !
ને મારા દિલની વેરાન ધરા ઉપર એ વેરાઈ,
પાનખરે પણ હરિયાળા સ્નેહનાં સઝર બને છે !
ઈચ્છાઓની કૂંપળો પણ પીળી થઈ ખરી પડી અંતે,
હવે સૂકા પર્ણોના રવમાં તારા પગરવ બને છે !
કેમ કરી સમજાવું 'પરમ' પ્રિતની પીર તને હું,
કેમ સંધ્યાએ ભુખડી આશાનાં ધણ 'પાગલ' બને છે !