ફૂલોનો ચહેરો પણ શરમાઈ ગયો
ફૂલોનો ચહેરો પણ શરમાઈ ગયો
તારું મલકાતું મુખડું જોઈ આ સૂરજ પણ મલકાઈ ગયો,
જોને આ ધરતી પર કેવો પ્રકાશ રેલાઈ ગયો !
આ ફૂલોનું મુખડું પણ જોને કેવું થઈ ગયું રાતું,
તારી અદભૂત સુરત જોઈને ફૂલોનો ચહેરો પણ શરમાઈ ગયો !
નથી શબ્દો મારી પાસે તારા રૂપની પ્રશંસા માટે,
બેદાગ તારી સુરત જોઈ આ ચાંદ પણ આભે સંતાઈ ગયો !
ફુરસદની પળોમાં ઘડી હશે ઈશ્વરે તને શાયદ !
જો ને ! તારું આ ચુંબકીય રૂપ જોઈને દરિયો પણ ગાંડોતૂર થઈ ગયો !
કોણ જાણે કેવી અસર છે તારા પગલામાં !
આ આગમન થયું ને આ બાગ પણ હરખાઈ ગયો !
અદ્ભૂત રૂપની સાથે આપી તને કુદરતે શબ્દોની ભેટ,
જો ને ! આ એક એક શબ્દ તારો મહેફિલમાં ચર્ચાઈ ગયો !
તારી હાજરીથી વધી ગઈ રોનક મહેફિલની,
જોને તારો ખૂબસૂરત ચહેરો મહેફિલમાં વખણાઈ ગયો !