ફરી આવે તો કેવું !
ફરી આવે તો કેવું !
1 min
13.1K
પાનખર સમુ વિખરાઈ પડ્યું છે જીવન,
તું વસંત થઈને ફરી આવે તો કેવું !
યાદ નથી, સ્મિતને છેલ્લે ક્યારે ભાળ્યું હશે હોઠોએ,
તું મીઠું હાસ્ય બની ફરી આવે તો કેવું !
નથી ગમતું આમ મુરઝાયલું રેહવું નિશદિન હવે,
તું ઉત્સાહનું મેઘધનુષ બની ફરી આવે તો કેવું !
તારા ગયા પછી, અસમર્થ છું કે સ્વયં ને સાચવી શકું હું,
આ એકલતામાં તું સહારો બની ફરી આવે તો કેવું !
ક્યાં સાંભળે છે ! નેવે મૂકી દયા પત્થર બની બેઠો છે ઈશ,
તુજ કોક બહાને એને છેતરી ફરી આવે તો કેવું !