Become a PUBLISHED AUTHOR at just 1999/- INR!! Limited Period Offer
Become a PUBLISHED AUTHOR at just 1999/- INR!! Limited Period Offer

Vrajlal Sapovadia

Others

4  

Vrajlal Sapovadia

Others

પાદર

પાદર

1 min
175


પાદરે પીપળે ભાભલાઓ આરામ ફરમાવતા

ટીખળી ઉધમા વિઘ્નવી હસ્તકલા અજમાવતા


ભાલ પર હાથનું છજું કરી નયન ને નેણ ખેંચી

આગંતુક ખબર પૂછી પ્રેમથી પરબ જલ વેંચી  

  

ગામને ગોંદરે પાકતી બહુ લીલીપીળી પીલુડી  

રંગીન પીલુને મુખ પર શોભે બેનમૂન ટીલુડી 


વગડે વવડાવતાં ઘેઘૂરસી લચીલી આમલી

ખાટામીઠા કાતરા ખાતા ભેરુ સૌ ભેગા મલી


સીમમાં ઉભી હોય ઝુંડબંધ કાંટાળી બે બોરડી

વીણતા ચણોઠી લાલ ચટક બોર બહુ રડી રડી


વને આવળિયા બાવળિયા ઊભા હોય થોકબંધ

વડલે ચડી ટેટા ચણતા વિહંગ સંગ ભાઈબંધ


સર્પ ડરથી ઊભરતા ખરખોડી ફૂલની લાલચે

ગ્રીષ્મમાં મહોરથી લીમડા ને આંબે કેરી લચે


છેટે વસ્યા ખીજડા થોર ને કેરડા ઝંઝાવાતી 

ભાગોળે પનિહારી નીરના બેડલે ગીત ગાતી  


પાદરે પીપળે ભાભલાઓ આરામ ફરમાવતા

મંદિરની આરતી ઝાલરે વહુવારું શરમાવતા.


Rate this content
Log in