ઓ માવડી
ઓ માવડી
ઓ ચેહર મા તું જ અમારી માવડી
તુંજ નવ દુર્ગા, તુંજ અમારી માડી,
જોયાં રમતાં ડાકલાંની દાંડીએ
જાતરમાં ફૂલેકામાં રમે તું માવડી,
તું જ અમારી ચેહર માવડી
પેઢી દર પેઢીએ જાવળતી,
તારી ભક્તિનાં રંગે રંગાવતી
તું જ અમારી ચેહર માવડી,
ભટ્ટ કુટુંબમાં મહેર જ કરતી
થઈ સિંહ સવારી રક્ષણ કરતી,
તું જ અમારી ચેહર માવડી
સચરાચરમાં તું જ વસે માવડી,
પાલવમાં લઈને દુઃખ દૂર કરતી
તું જ અમારી ચેહર માવડી,
ભાવનાના ભાવથી દોડી આવતી
મમતાથી સેવકોને લાડ લડાવતી,
તું જ અમારી ચેહર માવડી
દુઃખડા દૂર કરી સુખમાં રમાડતી,
નાગર પરિવારનું ભાગ્ય બદલતી
તું જ અમારી પ્યારી ચેહર માવડી
તું જ અમારો આધાર માવડી.