ઓ ઝાડભાઈ

ઓ ઝાડભાઈ ઓ ઝાડભાઈ

આ કાળઝાળ ગરમીમાં તું જઈશ સાવ શેકાઈ

ઓ ઝાડભાઈ ઓ ઝાડભાઈ

વરસાદમાં તું પલળતો અને ઠંડીમાં તુ ઠરતો

પરોપકાર માટે કયારેય ના ભાગતો કે ડરતો

છાંયડો આપી તાપ તું લેતો એ કેવી નવાઈ ?

ઓ ઝાડભાઈ ઓ ઝાડભાઈ

તારા શરીરને સૌ કાપતાં તોય તું કંઈ ના કેતો

ફળ, ફૂલ અને પાંદડાં તું તોય એમને ભેંટ દેતો

તારી ઉદારતાની વાતો આખા જગમાં છવાઈ

ઓ ઝાડભાઈ ઓ ઝાડભાઈ

પંખીઓનું ઘર બનીને તું કાયમ દેતો સહારો

આજ તને કાપી આ માનવી બન્યો છે સારો

તારો નાશ કરી માનવી આજ કરે છે બડાઈ

ઓ ઝાડભાઈ ઓ ઝાડભાઈ