નિશાળે જાતા ને રમતો રમતાં...

નિશાળે જાતા ને રમતો રમતાં...

કોઈ કહે મારે રમવું છે સંતાકુકડી,

અને કોઈ કહે મારે રમું છે સાત-તાળી,

ભેરું જોડે તો આંધરોપાડો રમતા,

આંધરોપાડો રમી ને લગડી પણ રમતા,

નિશાળે જાતા ને રમતો રમતાં...

સર તો અમને કેટલાં-કેટલાં રમાડતાં,

સાથે ખો-ખો પણ રમતાં અને રમાડતા,

ઘરે આવીને શેરીમાં જય ને કે'તા કે,

અમને નિશાળે તો રમતો રમાડે,

નિશાળે જાતા ને રમતો રમતાં...

નિશાળે જય ને બેટબોલ રમતાં,

સાત-કુકડી રમવાની મજા આવતી,

પાટીમાં ઈસ્ટો ને નવકૂકડી દોરતા,

બે રંગના પણા ગોતી ને રમતાં,

નિશાળે જાતા ને રમતો રમતાં...

કાગળના પ્લેન બનાવીને તેનાથી રમતાં,

ઝાડ ઉપર ચડી ને આમલી-પીપળી રમતાં,

ટીમ પાડીને કબડી રમતાં,

ઠેરીએ રમતાં ને ઠેરી જીતતા,

નિશાળે જાતા ને રમતો રમતાં...

બોટલમાં રેતી ભરીને ડબલાનું ડૂશ રમતાં,

ચકલી ઊડે ફરરર એ પણ રમતાં,

ભમેળામાં દોરી વિટી ને તેને ફેરવતા,

કોઈ તો તેને હાથમાં ફેરવતા,

નિશાળે જાતા ને રમતો રમતાં...

પાંચ પાણા ગોતી ને ચબે રમતાં,

સાત ખાના ગારી ને ઠાકલા રમતાં,

નિશાળની એ રમતો અને શિક્ષકો મને આજે પણ યાદ છે,

નિશાળે જાતા ને રમતો રમતાં...