નીકળ્યો છું

દુનિયાની સફરે નીકળ્યો છું,

જગત આખું જીતવા નીકળ્યો છું.

નથી મારી પાસે સિકંદર જેવી વિશાળ સેના,

હું છું એક સામાન્ય માનવી ને ધરતી છે જનેતા.

એક જ શસ્ત્ર છે આ મારો રમતનો બોલ,

એના સહારે હું જીતીશ આ પૃથ્વી ગોળ.

બે પાસાં એ રંગાઈ છે આ જિંદગી,

બે હાથ જોડીને કરૂં છું ખુદાને બંદગી.

દુનિયાનાં પણ છે જુદા જુદા કવચ,

પ્રેમ અને લાગણીઓના હોય છે નોખા રંગ.

ક્યાંક છે સ્વાર્થના એ ખોટા પ્રપંચ,

તો ઘરે ઘરે છેડાય પૈસાના મોટા જંગ.

આ બધાથી પર રહી હું તો જીતીશ આ જગને,

લોકો નામથી નહી કર્મથી ઓળખે છે આ માનવને.