મળી આઝાદીને

મળી આઝાદીને ,જનજન ઉરે આશ જનમી

ધન ધન અમે માત ગરવી,

હવે માને ખોળે,વતન સજવા જાત ધરવી

ધરા લીલુડી ને,ખળખળ વહેતાં પાક ઝરણાં

પળપળ દિલે હેત ભરતાં,

અમે ધાશું જોમે,જતન કરવા ભાવિ વરવાં

સજાવીશું માને, હર ચમન ફૂલે અમનથી

નવયુગે તને કોટિ કરથી,

દઈશું સન્માનો, વચન વટ હામે હરખથી

અમે તારા કાજે, વિકટ પથડે જંગ લડશું

ધવલ યશથી રંગ ભરશું,

ત્રિરંગા ઓ મારા, ફરફર દિલે લાડ કરશું

થઈ ગર્વી ગાશું, અમર લડવૈયા શુભ દિને

ગદ ગદ થઈ ભાવ ધરશું,

રૂડી આઝાદીનાં, મધુર ફળનાં ભાગ્ય રળશું.