મહેકે તારી યાદ

શૈશવ તારી લીલા અપરંપાર

મહેકે તારી યાદ અવારનવાર,

એ રૂપાવટી નદી કિનારો

એ રણછોડરાય મંદિર ગામનો ચોરો,

ધૂળિયા રસ્તા બધાં મળતા અમસ્તા

એ થપોદા, ગરીયાને લખોટી મસ્ત મસ્તી,

આંબો, લીંબડી પીપળી ને પિલુ શેતૂર

વડલે ટહુકવાની મોજ અનેરી,

સાંજ પળે માતા ગોતે રખડુને

ભાયબંધુની ટોળી શેરીએ ઉજવણી,

હાટના ખિસ્સા ખાલી મૂઠ્ઠી ભરેલી

એ શૈશવ તારી દુનિયા નખરાળી,

મેલી માયા સંસારની ઊગ્યું શૈશવ

છોડ બધું કૂદી પડ રાહી સંસ્મરણમાં.