મેહુલિયો

એ વરસાદ, ધરાને જાય ભીંજવતો,

મને સાદ કરતો એ અહીંથી નીકળતો,  

તારા વિના મૂંઝાઈને એકલો હું આહ ભરતો,  

વીજનો ચમકાર, તોડે એકાંતનો તાર,  

'મન' ને ભાવતો યાદનો ભાર,

છે બધું, નથી એ નિશાની, નિશા તણી,  

હતું દિલદાર દિલ, દિલની વાતો લીધી વણી,  

ખફા હતી, બેવફા હતી, ન હતી મારી કે તારી,

માયા હતી, કાયા હતી, કે છાયા હતી,

હતી પરછાય, પણ પોતાની કરી,

જિંદગી ફના કરી,

આવે વરસાદ ને જાય વરસાદ,

મને સાદ કરતો, એ અહીંથી નીકળતો,

એ વરસાદ ધરાને જાય ભીંજવતો,

જાય મને આમંત્રણ આપતો,

મારા પાણીનાં અણગમને એ જાણતો,

મને ખુબ ચીડવતો, દૂરથી સાદ કરતો,

એ વરસાદ અહીંથી નીકળતો.