મારો દેશ

અડધા કપ ચામાં લાગણીની વહેંચણી થઇ

એક કપ ચામાં તો ઓફિસની મિટિંગ થઈ

અડધા અડધા રોટલામાં પ્રેમથી પ્રેમીઓ જમે

પણ આખી પ્લેટમાં તો ડિનર પાર્ટી થાય

બે પેન્સિલમાંથી એક એક વાપરીને મિત્રો શાળામાં બને

પણ પેનથી લખતાં શીખે ત્યારે એક ચેકો ન પડે

અને પેન ખીસામાં રાખીને તે જાણે મોટો માણસ બને

નાસ્તાની અદલા બદલીમાં જીભનાં ચટકા ચખાય

પણ એકલાં ટિફિનમાં ખાતાં જાણે કડવાહટ ઊભરાય

એક બાઈકમાં ત્રણ સવારી સફર રોમાંચક બનાવે

કાર, બસ કે ટ્રેનમાં એવી મજા ક્યારેયનો આવે

જમવામાં ભલે ચારે દિશામાંથી અલગ અલગ સ્વાદ મલે

પણ સીધી સાદી ખીચડીમાં પણ અનેરો આનંદ છલકે

મોટાના કપડાં નાનાં પહેરે અને મોટાને નવાં મલે

એ જ નાનાં ને નવાં કપડામાં ક્યારેય જૂની મહેક ન જડે

ટીવી શોના ઉદાસ એપિસોડમાં આખું ઘર રડે

એનાં મનમાં ક્યારેય લાગણીનો દુકાળ નો પડે

ઘરમાં જ બધું હોય હાજર ને બહાર ફાફા મારે

એવાં જ મસ્તીખોર બાળકને માતા પિતા લાફા મારે

જ્યાં માતૃભાષા સિવાય બીજી ભાષા બોલતાં ઓછું આવડે

ત્યાંના અમારા ભારત વાળાને ઈશારોનાં જુગાડ કરતા આવડે

હંમેશા નિયમો તોડીને મનની મરજી માને

એટલે જ કળાના ક્ષેત્રમાં ભારતીય આગળ આવે !