માફ કરી દે

નથી જોવી મારે કોઈ તિથિ, 

આવી જાને બની અતિથિ, 

તારીખ અને વાર, 

જોવા શું વારંવાર ? 

આવી જા ને એકવાર,

ભૂલી નફરત,

કરી યાદ લાગણી,

પૂરી કર તારી માંગણી,

રિસાવું, મનાવું,

ક્યાં સુધી જિદમાંને, 

જિદમાં ચાલ્યા જાવું,

પતિ-પત્ની બન્યા પછી, 

થોડું રિસાવું પણ, 

પાછા સમજી જવું,

કરી દે માફ, 

આવ તું, તો કરું વાત,

ભૂલ હોય મારી તો, 

કરી દે માફ,

કડવી યાદનો, ન કરવો હિસાબ,

જોને આપણે થયા વૃદ્ધ,

બુઢા બુઢી, શાંતિથી વાંચશું,

લઈ હાથમાં કિતાબ.