માને ભજી લેજો

આ જગે માનવ થઈને આવ્યાં,

માનવધર્મને ધરી લેજો,

કરવા આ કાયાનું કલ્યાણ,

ચેહર મા ને ભજી લેજો.

ફરી મળે કે ના મળે,

આ જન્મ અહીંયા માનવ રૂપે,

દિલમાં દયા અને કરી,

સુકર્મનું ભાથું જીવનનું ભરી લેજો.

ઉતરે જો ચેહરમાની કૃપા,

તો જિંદગી સમૃદ્ધ છે,

આ દુનિયાનાં ભવસાગરના,

સાચાં મોતીને દિલે પરોવી લેજો.

બાંધી વિશ્વાસ ને શ્રદ્ધાના સઢ,

જીવનનૈયાને ચેહર માને ભજી લેજો,

અંતરના નાદથી પોકાર કરી,

આ ભવસાગર તરી લેજો.

પાણીના પરપોટા સમી છે આ જિંદગી,

પલકવારમાં ફૂટી જાય એ પહેલાં,

ભાવે ચેહર માને ભજી લેજો.