માં દુર્ગાને શત શત વંદન કરો

પેલે પેલે નોરતે મા શૈલપુત્રી રમવા આવે

આસોપાલવના પાન મંગાવો રે રે

રૂડા તોરણીયા બંધાવો રે

મા દુર્ગાને શત શત વંદન કરો !

બીજે બીજે નોરતે મા બ્રહ્મચારિણી મા રમવા આવે

માને દિવડા પ્રગટાવો રે

માની આરતી ઉતારો રે

મા દુર્ગાને શત શત વંદન કરો. !

ત્રીજે ત્રીજે નોરતે ચંદ્રઘટામા રમવા આવે

માને ચુંદડી ઓઢાડો રે

ચોખલિયે વધાવો રે

મા દુર્ગાને શત શત વંદન કરો !

ચોથે ચોથે નોરતે મા કુશમુન્ડા રમવા આવે

રંગબેરંગી આસન બિછાવો રે

માના સ્વાગત કરો રે

મા દુર્ગાને શત શત વંદન કરો !

પાંચમે પાંચમે નોરતે મા સ્કંદમાતા રમવા આવે

સાથિયા પૂરાવો રે

એમા ચોખલિયા ચોટાડો રે

મા દુર્ગાને શત શત વંદન કરો. !

છઠ્ઠે છઠે નોરતે મા કાત્યાયની રમવા આવે

ગરબી ગવરાવો રે

સૌને ગરબે રમાડો રે

મા દુર્ગાને શત શત વંદન કરો. !

સાતમે સાતમે નોરતે મા કાલરાત્રિ રમવા આવે

નવ નવ ગરબા મંગાવો રે

માને ગરબે ઘૂમો રે

મા દુર્ગાને શત શત વંદન કરો !

આઠમે આઠમે નોરતે મા મહાગૌરી રમવા આવે

પુજાની સામગ્રી મંગાવો રે

માની પુજા કરાવો રે

મા દુર્ગાને શત શત વંદન કરો !

નવમે નવમે નોરતે મા સિદ્ધિદાત્રી રમવા આવે

સૌને સિદ્ધિ દેવા આવે રે

સંકટ પળમા દૂર કરે રે

મા દુર્ગાને શત શત વંદન કરો. !