કિંમત

પ્રયત્નો ઘણા કર્યા સંબંધોને સાચવવાના,

જ્યાં લાગણીઓની કિંમત નથી ત્યાં હવે ભળવું નથી.

સમજાવવા કિંમત લાગણીની ઝઝૂમ્યો ઘણો,

હદયમાં પીડા લઈ મારે હવે લડવું નથી.

કેટકેટલી વેઠી વેદના આ સંબંધમાં 'આકાંક્ષા' ,

પડી રહી બેઅસર અહીં હવે સડવું નથી.

મારેય જીવવા છે શમણાંઓને અણનમ રહી,

ખોટી લાગણીઓના નામે હવે મરવું નથી.

ખોવાઈ જવું છે બેનામ થઈ આ દુનિયામાં,

ફરી તૂટીજવા મનથી, હવે તને મળવું નથી.